[日本]叮噹配音員大山羨代經歷拍成劇集

[野味大雄]

來源: 蘋果日報

---

經典動漫作品《多啦A夢》（前稱《叮噹》）有逾45年歷史，日本版叮噹原裝配音員大山羨代，近年不幸患上腦退化，早前其夫砂川啟介接受電視台訪問時，透露大山已失去照顧自己嘅能力，而且仲連叮噹亦都忘記得一乾二淨，實在令人欷歔。

日本NHK衞星電視台宣佈，下個月將會播放關於大山羨代嘅傳記式劇集《一直在一起~聲優大山羨代物語》，由鈴木砂羽扮演大山，主要講述佢為叮噹配咗26年音嘅經歷，揭露佢一啲不為人知嘅艱辛，同埋佢點樣同一班配音拍檔，將《叮噹》各人物演繹到最好。



大山羨代嘅角色將由女演員鈴木砂羽扮演。